चेन्नईका स्पिनर सिंहले आईपीएल गुमाउने

एजेन्सी । चेन्नई सुपर किङ्सका भेट्रान स्पिनर हरभजन सिंहले यस वर्षको आईपीएल गुमाउने भएका छन् ।

आईपीएल नजिकै गर्दा चेन्नईका भेट्रान बलर सिंहले आफु आईपीएलमा सहभागिता जनाउन नसक्ने बताएका छन् ।

४० वर्षीय स्पिनरले व्यक्तिगत कारण देखाएर टिमलाई आईपीएल खेल्न असमर्थ भएको जानकारी दिएको क्रिकइन्फोले जनाएको छ ।

आईपीएलका लागि चेन्नईको टिम दुबई पुगेपनि सिंह भने भारतमै रहेका थिए ।

यस वर्षको आईपीएल गुमाउने सिंह चेन्नईका दोस्रो खेलाडी हुन् । यस अघि सुरेश रैना टिमबाट बाहिरिसकेका छन् ।

चेन्नईले दुई खेलाडीको स्थानमा अन्य खेलाडीको घोषणा गरिसकेको छैन ।

कोरोना भाईरसको कारण आईपीएलको १३ औं संस्करण युएईमा आयोजना हुँदैछ । आईपीएल सेप्टेम्बर १९ देखि नोभेम्बर १० सम्म हुने तालिका रहेको छ ।