एजेन्सी । इंग्लिस क्लब एभर्टनका युवा फरवार्ड एन्थोनी गोर्डनले क्लबसँग नयाँ सम्झौता गरेका छन् ।
१९ वर्षीय फरवार्डले क्लबमा थप पाँच वर्ष बस्ने गरी नयाँ सम्झौता गरेका हुन् । सम्झौतासँगै उनी २०२५ को जुनसम्म एभर्टनमा रहने छन् ।
इंग्ल्यान्ड फरवार्ड गोर्डन एभर्टनको एकेडेमीका खेलाडी हुन् ।
उनी ११ वर्षको उमेरमा एभर्टनमा आएका थिए । उनले २०१७ को डिसेम्बरमा १६ वर्षको उमेरमा सिनियर टिममा डेब्यु गरेका थिए ।
'क्लबसँग सम्झौता गर्दा खुशी छु । यो मेरो कडा मेहेनतको फल हो,' सम्झौतापछि उनले भनेका छन्, 'सम्झौताले क्लबलाई म प्रतिको विश्वास देखाउछ । त्यो विश्वासलाई मैदानबाट बाहिर ल्याउने छु ।'
इंग्ल्यान्डको यू-१९ टोलीका सदस्य समेत रहेका गोर्डनले गत सिजन ११ खेल खेलेका थिए ।
उनी गत सिजन ४ खेलमा सुरुवाती ११ मा रहदै मैदान उत्रिएका थिए ।
