जापानी डिफेन्डर नागाटोमो मार्सेलीमा

एजेन्सी । फ्रेन्च क्लब क्लब ओलम्पिक मार्सेलीले जापानी डिफेन्डर युटो नागाटोमोलाई अनुबन्ध गरेको छ ।

फ्रेन्च लिग वान क्लब मार्सेलीले सेन्टर ब्याक नागाटोमोलाई फ्रि ट्रान्सफरमा एक सिजनको लागि अनुबन्ध गरेको हो ।

'एक सानदार क्लबसँग अनुबन्ध हुन पाउदा धेरै खुशी छु,' क्लबसँग सम्झौता गरेपछि नागाटोमोले ट्वीट गरेका छन् ।

गत सिजन मार्सेली दोस्रो स्थानमा रहेको थियो । मार्सेलीले यस सिजन च्याम्पियन्स लिग खेल्नेछ ।

३४ वर्षीय डिफेन्डरले सिजनको अन्त्यसँगै टर्किस क्लब गलतासारे छाडेका थिए । टर्किस क्लबसँग उनको सम्झौता जुनमा सकिएको थियो ।

नागाटोमो सन् २०१८ मा टर्किस क्लब आएका थिए । गलतासारेबाट दुई सिजन लिग जितेका उनले ६५ खेलमा ३ गोल गरेका थिए ।

यस अघि उनले टोकियो एफसी र इटालियन क्लब इन्टर मिलान र सेसेनाबाट खेलिसकेका छन् ।

जापानले २०११ मा एसिया कप जित्दा टिममा रहेका नागाटोमोले तीन विश्वकप खेलिसकेका छन् ।

जापानका लागि उनले १ सय २२ खेल खेलेका छन् ।