रुटले अष्ट्रेलियासँगको टी-ट्वान्टी सिरिज गुमाउने

एजेन्सी । इंग्ल्यान्डका टेस्ट कप्तान जोय रुटले अष्ट्रेलियासँगको टी-ट्वान्टी सिरिज गुमाउने भएका छन् ।

चोटका कारण रुटले तीन खेलको टी-ट्वान्टी सिरिज गुमाउने भएका हुन् ।

इंग्ल्यान्डले टी-ट्वान्टी सिरिजका लागि घोषणा गरेको टिममा रुट छैनन् ।

तर, रुटले अष्ट्रेलियासँगको एकदिवसीय सिरिज भने खेल्ने छन् । एकदिवसीय टिममा उनलाई राखिएको छ ।

रुटसँगै टेस्ट टिमका क्रिस वोक्स, जोस बट्लर, जोफ्रा आर्चर, साम कुरन र मार्क उड पनि एकदिवसीय टिममा परेका छन् ।

बेन स्टोक्सले पनि सिरिज गुमाउने छन् । उनी न्युजिल्याण्डमा रहेका छन् ।

बुबालाई ब्रेन क्यान्सर भएपछि पाकिस्तानसँग टेस्ट सिरिज चलिरहदा स्टोक्स न्युजिल्याण्ड गएका थिए ।

इंग्ल्यान्डले टी-ट्वान्टी र एकदिवसीयको कप्तानी इयान मोर्गनलाई दिएको छ ।

तीन खेलको टी-ट्वान्टी सिरिज सेप्टेम्बर ४ मा सुरु हुनेछ ।

यस्तै एकदिवसीय सिरिज सेप्टेम्बर ११ बाट सुरु हुनेछ ।