एजेन्सी । ब्राजिली स्टार नेयमारले खेल सामाग्री कम्पनी नाइकसंग १५ बर्षको सम्झौता तोड्ने भएका छन् ।
उनले विश्व बिख्यात कम्पनी नाइकसंग ७८ दशमलवल ६ मिलियन पाउण्डको १५ बर्षको सम्झौता तोड्ने निष्कर्शमा पुगेका हुन् ।
अगष्ट अन्तिम अर्थात भोलि (सोमबार)बाट नेयमारको नाइकसंगको सम्झौता अन्त्य हुदैछ ।
दुवै पक्ष नयाँ सम्झौतामा सहमत नभएपछि नाइकसंगको सम्झौता तोडिन लागेको हो ।
पछिल्लो रिपोर्टका अनुसार जर्मनको अर्को कम्पनी पुमाले ब्राजिली फरवार्ड नेयमारसंग सम्झौता गर्न चाहन्छ । पुमाले भर्खरैमात्र म्यान्चेष्टर सिटी र एसी मिलानसंग सम्झौता गरेको छ ।
नाइकले १३ बर्षको उमेरदेखि ब्राजिली स्टार नेयमारलाई प्रायोजन गर्दै आएको थियो । उनी ब्यवसायीक रुपमा अघि आउनु अघिनै नाइकले नेयमारसंग सम्झौता गरेको थियो ।
नेयमार सो समय ब्राजिली क्लब सान्तोषबाट उदाउँदो स्टार खेलाडीको रुपमा रहेका थिए । नाइकले सान्तोष क्लबलाई समेत खेल सामाग्री उपलब्ध गराउने गरेको थियो ।
फ्रान्सेली क्लब पीएसजीलाई पनि नाइकले खेल सामाग्री उपलब्ध गराउँदै आएको छ ।
विश्व कीर्तिमानी मुल्यमा नेयमारलाई बार्सिलोनाबाट अनुबन्धन गरेपछि पीएसजीले नाइकसंग सम्झौता रकम बढाएको थियो ।
नेयमारले सन् २०११ मा कोपा लिभबर्टाडोरेस जितेपछि आफ्नो नाइकसंगको सम्झौता नविकरण गरेका थिए ।
उनले नाइकसंग ७८ दशमलव ६ मिलियनको सम्झौता गरेका थिए ।
पीएसजीसंग नाइकले चेल्सी, बार्सिलोना, इन्टर मिलान, टोटेनहमलाई खेल सामाग्री उपलब्ध गराउँदै आएको छ ।
भर्खरै मात्र उसले प्रिमियर लिग क्लब लिभरपुललाई प्रायोजन गरेको छ । नाइकले विश्व खेलकुदका ठुला स्टारहरु भर्जिल भान डाइक, रहिम स्टर्लिङ, सेरेना विलियम्स र टाइगर उड्सलाई प्रायोजन गर्दै आएको छ ।
-1753545694.jpg)
