युभेन्ट्सले भित्र्यायो साल्केबाट मिडफिल्डर वेस्टन

एजेन्सी । इटालियन क्लब युभेन्ट्सले अमेरिकन मिडफिल्डर वेस्टन म्याकेनीलाई अनुबन्ध गरेको छ ।

युभेन्ट्सले २२ वर्षीय मिडफिल्डरलाई जर्मन क्लब साल्केबाट लोनमा अनुबन्ध गरेको हो ।

वेस्टनलाई युभेन्ट्सले एक वर्षको लागि लोनमा अनुबन्ध गरेको हो । साल्केले युभेन्ट्सलाई स्थायी खेलाडी रुपमा अनुबन्धको अवसर समेत दिएको छ ।

अमेरिकाका अन्तर्राष्ट्रिय वेस्टन सन् २०१७ मा साल्के आएका थिए । तीन सिजनमा साल्केका लागि उनले ७४ बढी खेल खेलेका छन् ।

गत सिजन उनले २८ बुन्डेसलिगा खेलमा ३ गोल गरेका थिए ।

अमेरिकाका लागि उनले १९ खेलमा ६ गोल गरेका छन् ।