पहिलो टी-ट्वान्टी नतिजा विहीन

एजेन्सी । घरेलु टिम इंग्ल्यान्ड र पाकिस्तानबीचको पहिलो टी-ट्वान्टी खेल वासआउट भएको छ ।

म्यानचेस्टरको ओल्ड ट्राफोर्डमा शुक्रबार राति वर्षाको कारण खेल नतिजाविहीन भएको हो ।

इंग्ल्यान्डले ब्याटिङ गरिरहदा खेल वर्षा प्रभावित गरेको थियो । लामो समय वर्षा नरोकिएपछि खेल रद्द गरिएको थियो ।

खेल रोकिनु अघि इंग्ल्यान्डले १६ ओभर १ बलमा ६ विकेट गुमाएर १ सय ३१ रन जोडेको थियो ।

इंग्ल्यान्डका टम ब्यान्टनले ४२ बलमा ७१ रन बनाए । उनी टी-ट्वान्टीमा इंग्ल्यान्डका लागि अर्धशतक बनाउने सबैभन्दा कान्छा खेलाडी बने ।

यस्तै डाविड मालनले २३ तथा कप्तान इयान मोर्गनले १४ रन बनाए ।

पाकिस्तानका इमाद वासिम र शादब खानले २/२ विकेट लिए ।

तीन खेलको सिरिज अन्तर्गतको दोस्रो खेल अगस्ट ३० र तेस्रो खेल सेप्टेम्बर १ मा हुनेछ ।

पाकिस्तानपछि इंग्ल्यान्डले अष्ट्रेलियासँग एकदिवसीय र टी-ट्वान्टी सिरिज खेल्नेछ ।