आजमको कप्तानीमा पाकिस्तानी टोलीको घोषणा

एजेन्सी । घरेलु टिम इंग्ल्यान्डविरुद्धको टी-ट्वान्टी सिरिजका लागि पाकिस्तानले टिमको घोषणा गरेको छ ।

पाकिस्तानले शुक्रबार बाबर आजमको कप्तानीमा टोलीको घोषणा गरेको हो ।

पाकिस्तानले घोषणा गरेको १७ सदस्सीय टिममा दुई खेलाडी 'अन क्याप्ड' रहेका छन् ।

जसमा हैदर अली र निशम शाह रहेका छन् ।

पाकिस्तानले इंग्ल्यान्डसँग तीन खेलको सिरिज खेल्नेछ ।

दुई टिमबीचको पहिलो खेल अगस्ट २८ मा ओल्ड ट्राफोर्डमा हुनेछ ।

यस्तै दोस्रो खेल अगस्ट ३० र तेस्रो खेल सेप्टेम्बर १ मा हुनेछ ।