दक्षिण अफ्रिकाका दुई क्रिकेटरलाई कोरोना

एजेन्सी । दक्षिण अफ्रिकाको राष्ट्रिय क्रिकेट टिमका दुई खेलाडीलाई कोरोना भाईरसको संक्रमण देखिएको छ ।

क्रिकेट दक्षिण अफ्रिकाले बिहीबार दुई जना खेलाडीमा कोरोना पोजेटिभ देखिएको जनाएको छ ।

तर, दक्षिण अफ्रिकाले कोरोना देखिने खेलाडीको नाम सार्वजनिक गरेको छैन ।

राष्ट्रिय टिमको प्रशिक्षण (कल्चरल क्याम्प) सुरु गर्नु अघि गरिएको परिक्षणमा दुई खेलाडीमा कोरोना देखिएको हो ।

क्याम्पका लागि ३२ खेलाडीको परिक्षण गर्दा दुई जनामा कोरोना देखिएको थियो । क्याम्प अघि खेलाडी र स्टाफसहित ५० जनाको कोरोना परिक्षण गरिएको थियो ।

कोरोना देखिएका दुबै खेलाडीले क्याम्प गुमाउने दक्षिण अफ्रिका क्रिकेटले जनाएको छ । उनीहरु सेल्फ आईसोलेसनमा रहेका छन् ।

दक्षिण अफ्रिकाले राखेको पाँच दिने कल्चरल क्याम्प मंगलबारबाट सुरु भईसकेको छ ।