सीपीएल : सन्दीप प्लेईङ सेटमा

काठमाडौं । सन्दीप लामिछाने रहेको जमैका तलावाजले क्यारेबियन प्रिमियर लिग (सीपीएल) टी-ट्वान्टी क्रिकेटको पहिलो खेलमा अहिले सेन्ट लुसिया जोउक्ससँग प्रतिस्पर्धा गर्दैछ ।

ब्रायन लारा क्रिकेट स्टेडियममा सन्दीपको टिम जमैकाले टस जितेको छ र पहिले फिल्डिङ रोजेको छ । सेन्ट लुसियाले केहि बेरमा ब्याटिङ थाल्नेछ ।

सेन्ट लुसियाविरुद्धको पहिलो खेलमा नेपाली राष्ट्रिय टोलीका लेग स्पिनर सन्दीप प्लेईङ सेटमा अटाएका छन् ।

सन्दीप जमैकाको पहिलो खेलमै प्लेईङ सेटमा परेका हुन् । सन्दीपले जमैकाबाट पहिलो पटक खेल्न लागेका हुन् ।

जमैकाले सन्दीपलाई यस पटक ९० हजार अमेरिकी डलर (१ करोड ८ लाख नेपाली रुपैयाँ) मा अनुबन्ध गरेको थियो ।