दक्षिण अफ्रिकाको महिला टिमले इंग्ल्यान्ड भ्रमण नगर्ने

एजेन्सी । दक्षिण अफ्रिकाको महिला क्रिकेट टिमले इंग्ल्यान्ड भ्रमण नगर्ने भएको छ ।

कोरोना भाईरसको कारण सरकारले यात्रामा रोक लगाएको कारण दक्षिण अफ्रिकी महिला टिमले इंग्ल्यान्ड भ्रमण नगर्ने भएका हुन् ।

दक्षिण अफ्रिका क्रिकेटले इंग्ल्यान्ड एण्ड वेल्स क्रिकेट बोर्डलाई पत्र लेख्दै भ्रमण गर्न नसकिने जानकारी गराएको बीबीसीले जनाएको छ ।

दक्षिण अफ्रिकाले सेप्टेम्बरमा इंग्ल्यान्ड भ्रमण गर्ने बताईएको थियो ।

भ्रमण दौरान दुई टोलीले २ खेलको टी-ट्वान्टी र ४ खेलको एकदिवसीय सिरिज खेल्ने तालिका रहेको थियो ।

यस अघि भारतीय महिला टिमले समेत इंग्ल्यान्ड भ्रमण स्थगित गरेको थियो ।

इंग्ल्यान्डमा भारतले घरेलु टिम र दक्षिण अफ्रिका सम्मलित ट्राइ सिरिज खेल्ने तालिका रहेको थियो ।

दक्षिण अफ्रिका र भारतले भ्रमण नगर्ने भएपछि इंग्ल्यान्ड क्रिकेट बोर्डले अन्य राष्ट्रसँग सिरिजका लागि छलफल गरिरहेको बताईएको छ ।

सम्भवत वेस्ट इन्डिज टिमले समरमा इंग्ल्यान्ड भ्रमण गर्न सक्ने बताईएको छ ।

इंग्ल्यान्डको महिला टिमले गत मार्चमा भएको विश्वकपपछि कुनैपनि अन्तर्राष्ट्रिय खेल खेलेको छैन ।