अलराउन्डर मार्शद्वारा सन्यास

एजेन्सी । इंग्ल्यान्ड क्रिकेट टिमका पूर्व अलराउन्डर लौरा मार्शले सबैखाले क्रिकेटबाट सन्यास घोषणा गरेकी छिन् ।

३३ वर्षीया मार्शले बिहीबार क्रिकेटबाट सन्यास घोषणा गरेकी हुन् ।

मार्शले सामाजिक संजाल ट्वीटरमा एक पोस्ट गर्दै सन्यासको घोषणा गरेकी हुन् ।

'मैले सबै खाले क्रिकेटबाट सन्यास लिने निर्णय गरेको छु,' ट्वीटरमा उनले लेखेकी छिन्, 'म मेरो टिम र संस्थाहरु सम्पूर्णलाई धन्यवाद दिन चाहन्छु ।'

मार्शले अन्तर्राष्ट्रिय क्रिकेटबाट भने गत वर्ष नै सन्यास लिएकी थिइन् ।

उनले यस वर्ष द हन्ड्रेड क्रिकेट प्रतियोगिता खेल्ने योजना बनाएकी थिईन ।

तर, कोरोना भाईरसको कारण प्रतियोगिता सरेपछि मार्शले सन्यास लिएकी हुन् ।