डिफेन्डर मोहम्मद साउथह्याम्पटनमा

एजेन्सी । इंग्लिस क्लब साउथह्याम्पटनले घानाका डिफेन्डर मोहम्मद सलिसुलाई अनुबन्ध गरेको छ ।

सेन्टर ब्याक मोहम्मदलाई साउथह्याम्पटनले स्पेनिस क्लब रियल भाल्लाडोलिडबाट अनुबन्ध गरेको हो ।

साउथह्याम्पटनले उनलाई १०.९ मिलियनमा अनुबन्ध गरेको बताईएको छ ।

२१ वर्षीय डिफेन्डरले साउथह्याम्पटनसँग चार वर्षको सम्झौता गरेका छन् ।

'मोहम्मद अनुबन्ध साउथह्याम्पटनको महत्वपूर्ण सम्झौता हो,' सम्झौतापछि क्लबका प्रशिक्षक राल्फले भने ।

यस सिजन मोहम्मदले स्पेनिस क्लबका लागि ३२ खेल खेलेका थिए ।