'अर्को सिजन उपाधिमा हमला गर्छौं'

एजेन्सी । लिभरपुलका मुख्य प्रशिक्षक योर्गेन क्लोपले आगामी सिजन प्रिमियर लिगको उपाधि रक्षाका लागि नभई अर्को उपाधिमा हमला गर्ने बताएका छन् ।

म्यानचेस्टर सिटीसँगको खेलअघि पत्रकार सम्मेलनमा बोल्दै प्रशिक्षक क्लोपले आगामी सिजन उपाधि रक्षा भन्दा उपाधिमा आक्रमण टोलीको लक्ष्य भएको बताएका हुन् ।

'हामी अर्को सिजन उपाधि रक्षा गर्ने छैनौँ । हामी अर्कोमा हमला गर्ने छौँ,' क्लोपले भने ।

लिभरपुलले बिहिबार यस सिजनको प्रिमियर लिग उपाधि जितेको थियो । लिभरपुलले ३० वर्ष पछि पहिलो पटक प्रिमियर लिगको उपाधि जितेको हो ।

लिग अन्तर्गत बिहीबार राति दोस्रो स्थानको म्यानचेस्टर सिटी चेल्सीसँग २-१ ले पराजित भएपछि लिभरपुल च्याम्पियन बनेको थियो ।

यस्तै क्लोपले आगामी सिजन म्यानचेस्टर सिटीसहित युनाइटेड र चेल्सी समेत बलियो टिम हुने बताए ।

'म्यानचेस्टर सिटी र युनाइटेड अर्को सिजन बलियो हुनेछ । चेल्सी पनि बलियो बन्दैछ । स्पस्ट छ सिटी उत्कृष्ट छ । युनाइटेड राम्रो आकारमा छ र चेल्सी बास्तबमै राम्रो भईरहेको छ । राम्रो व्यापार गरिरहेको छ,' क्लोपले थपे ।

यस सिजन लिभरपुल दोस्रो स्थानको सिटी भन्दा २३ अंकले अघि रहेको छ ।

लिभरपुलले बिहिबार सिटीसँग उसैको मैदानमा खेल्नेछ । जुन खेलमा सिटीका खेलाडीले लिभरपुललाई गार्ड अफ अनर दिनेछ ।