एसियन गेम्स : फुटबलमा रचिएला त ईतिहास ?

काठमाडौं ।  दक्षिण एसियामै नेपाली फुटबल सेमिफाईनल अगाडी बढ्न नसकेको धेरे भईसक्यो । साफ फुटबलको रेकर्ड हेर्दा नै दक्षिण एसियामा नेपाली फुटबलको हैसियत प्रष्टिन्छ ।

तर, नेपाली फुटबल यतिबेला एशियाली प्रतियोगितामा सहभागी छ । एउटा ईतिहास उसलाई पर्खिएर बसेको छ । एक गतिलो जितले नेपाली फुटबलले एउटा ईतिहासलाई कोर्न सक्छ । प्रतिक्षा त्यसैको छ ।

समूह चरणका सुरुवाती दुवै खेलमा पराजित नेपालको अघिल्लो चरण प्रवेशको सम्भावना कठिन छ । तर, अन्तिम खेलमा पाकिस्तानलाई हराउन सकेमा नेपाली फुटबलले एउटा ईतिहास कोर्न सक्छ ।

शीर्ष दुईमा रहदै सिधै नकआउट चरण पुग्ने सम्भावना सकिएपनि ६ वटा समूह रहेको प्रतियोगितामा तेस्रो स्थानमा रहने उत्कृष्ट चार टोलीको रुपमा नेपाल अघिल्लो चरण प्रवेश गर्न सक्नेछ । त्यसैले दक्षिण एसियाली प्रतिद्धन्दी पाकिस्तानविरुद्धको खेल नेपाललाई महत्वपूर्ण छ ।

नेपालले एसियन गेम फुटबलमा भाग लिएको धेरै भयो । सन् १९८२ मा भारतमा भएको प्रतियोगिताबाट नेपाली फुटबलले लगातार सहभागिता  जनाउदैँ आएको छ । तर, जित भने एउटै निकाल्न सकेको छैन ।

प्रतियोगितामा नेपालले अहिलेसम्म मात्र एक गोल गर्न सकेको छ । वाई बि घलेले कुवेतविरुद्ध गरेको गोलनै एसियन गेम्समा नेपालको एक मात्र गोल हो ।

त्यसैले आज हुने खेलमा पाकिस्तानविरुद्ध जित निकाल्न नेपाललाई गोल आवश्यक छ । दक्षिण एसियाली प्रतिद्वन्द्वीको हिसावमा नेपालले केही सहज महशुश पक्कै गरेको हुनपर्छ ।

विगतको पाकिस्तानसँगको नतिजा हेर्न हो भने नेपालको प्रर्दशन सन्तोषजनक छ । यस पटक सुधारिएको प्रर्दशन गरेको नेपालले एसियाली पावर हाउस जापानसंग मात्र एक गोलले हारेको थियो । त्यस्तै दोस्रो खेलमा भियतनामसंग २–० को हार ब्यहोरेको थियो ।

रेकर्ड हेर्दा, एसियन गेममा सहभागि भएको पाँचैवटा संस्करणमा नेपालको अहिलेको प्रर्दशननै उत्कृष्ट हो । सन् १९९८ मा थाइल्याण्डमा भएको एसियन गेममा व्यहोरेको ६ गोल नेपाली टिमको राम्रो प्रर्दशन हो ।

नेपाल र पाकिस्तान अहिलेसम्म १५ पटक भिडेका छन् । जहाँ दुवैले ५÷५ खेलमा जित निकालेका छन् । पाँच खेल बराबरीमा सकिएको छ ।
नेपालले अन्तिम पटक सन् २०१३ को साफ च्याम्पियनसिपमा पाकिस्तानसँग दशरथ रंगशालामा प्रतिस्पर्धा गरेको थियो । खेल बराबरीमा टुङ्गिएको थियो ।

एक शून्यले पछाडी परेको अवस्थामा नेपालका विमल घर्ति मगरको बराबरी गोल गरेका थिए । उही विमल अहिले नेपाली टिमको मुख्य सदस्य छन् ।