एजेन्सी । फ्रान्सेली क्लब पेरिस सेन्ट जर्मेन (पीएसजी)ले म्यान्चेष्टर सिटीका मिडफिल्डर रियाद महरेज अनुबन्धनको ईच्छा देखाएको छ ।
प्रिमियर लिग क्लब च्याम्पियन्स लिगबाट प्रतिबन्धमा परेको अवस्थामा फ्रान्सेली महारथी पीएसजीले महरेजलाई अनुबन्धन गर्न चाहेको हो ।
सिटी च्याम्पियन्स लिगको आगामी दुई सिजन प्रतिबन्धमा परेको छ । क्लबले विश्व खेलकुदको सर्वोच्च संस्था कोर्ट अफ आर्बिटेसन अफ स्पोर्ट्समा अपिल समेत गरेको छ ।
यस समर ट्रान्सफरमा सिटीले अल्जेरियन खेलाडीलाई गुमाउने सम्भावना प्रवल छ ।
पीएसजीको आक्रमण लाईनलाई अझ तेज बनाउन लिग वान क्लबले महरेजमा आखाँ लगाएको हो ।
महरेजले सिटीका लागि यस सिजन ३७ खेलमा सहभागीता जनाएका छन् । उनले ९ गोल गर्नुका साथै १४ गोलको अवसर समेत गरेका छन् ।
२९ बर्षिया विङ्गरको सिटीसंगको सम्झौता सन् २०२३ सम्म रहेको छ ।
पीएसजीले महरेजलाई फ्रान्सेली स्टार केलियन एम्बाप्पेको विकल्पको रुपमा हेरेको छ । विश्वकप विजेता एम्बाप्पे पछिल्लो समय स्पेनिस क्लब रियल मड्रिड जान खोजिरहेका छन् ।
एम्बाप्पेको पीएसजीसंगको सम्झौता सन् २०२२ मा सकिदैछ । सोही कारण पीएसजी एम्बाप्पेसंगको सम्झौता बढाउन चाहन्छ । तर एम्बाप्पे छलफलमा बस्न तयार देखिएका छैनन् ।
