कोरोना भाईरस प्रभावितलाई पार्क जी र सनको सहयोग

एजेन्सी । म्यानचेस्टर युनाइटेडका पूर्व मिडफिल्डर पार्क जी सुङ र टोटनहमका फरवार्ड सन ह्युङ मिनले दक्षिण कोरियाका कोरोना भाईरस प्रभावितका लागि आर्थिक सहयोग गरेका छन् ।

दक्षिण कोरियाका पूर्व स्टार पार्क र फरवार्ड सनले कोरोना भाईरसविरुद्ध लड्न समान ६५ हजार पाउण्ड डलर सहयोग गरेका छन् । दुवैले संयुक्त १ लाख ३० हजार पाउण्ड कोरोना प्रभावितका लागि सहयोग गरेका हुन् ।

दक्षिण कोरियामा कोरोनाबाट ७ हजार ३ सय मानिस संक्रमित रहेका छन् । यस्तै ५० बढीको मृत्यु भईसकेको छ ।

दुवै खेलाडी खेलसँगै सामाजिक कार्यमा समेत काम गरिरहेका छन् । पार्कले चाइल्ड फाउन्ड कोरिया र सनले गुड नेबर्स इन्टरनेसनललाई सहयोग गर्दै आइरहेका छन् ।