एजेन्सी । म्यान्चेष्टर सिटीका प्रशिक्षक पेप ग्वार्डिओला बन्द रंगशालामा फुटबल खेलाउने निर्णयको विपक्षमा उभिएका छन् । उनले दर्शन विहिन फुटबल खेलाउनु भन्दा खेललाई तत्काल स्थगित गर्दै पछाडी सार्न पर्ने सुझाव दिएका छन् ।
विश्वमा फैलदो कोरोना भाईरसका कारण युरोपका मुख्य फुटबल प्रतियोगिता बन्द रंगशालामा खेलाउन लागिएको छ । च्याम्पियन्स लिग र युरोपा लिग जस्ता प्रतिष्ठित युरोपियन प्रतियोगिता बन्द रंगशालामा खेलाउन थालिएको हो ।
तर सो कदमको प्रिमियर लिग क्लबका प्रशिक्षक ग्वार्डिओलाले विरोध गरेका हुन ।
उनले यस बिषयमा गम्भिर भएर सोच्नुपर्ने बताउँदै त्रत्काल खेल स्थगित गर्नु उत्तम विकल्प भएको सुझाएका छन् ।
‘के दर्शक बिना फुटबलले काम गर्छ ?’ ग्वार्डिओलाले प्रश्न गरेका छन् ।
‘यदी मानिस आउन सक्दैनन् भने केही मतलब छैन । हामीले जे गर्न छ, त्यसको पालना गर्नेछौ । तर म दर्शक बिना यो गर्न चाहदैन ।’ उनले भनेका छन् ।
युरोपेली फुटबलका केही खेलहरु बन्द रंगशालामा सञ्चालन भईरहेको छ । बुधबार मात्र पेरिस सेन्ट जर्मेन पीएसजी र बोरुसिया डर्टमण्ड तथा बिहिबार युरोपा लिगको म्यान्चेष्टर युनाईटेड र उल्भ्सको खेल समेत बन्द रंगशालामा खेलाउन लागिएको छ ।
‘हामी यसप्रति सचेत छौ, किनकी ईटालीमा यो पहिल्यै भईसकेको छ ।’ उनले थपे, ‘ईटालीको लिग स्थगित छ । स्पेनमा आगामी दुई हप्ता बन्द रंगशालामा फुटबल हुदैछ ।’
‘के दर्शक बिना फुटबल खेल्न सकिन्छ ? हामी हाम्रो काम दर्शकका लागि गर्छौ । यदी मानिस हामीलाई देख्दैनन् भने यसको केही अर्थ छैन ।’ ग्वार्डिओला प्रष्ट छन् ।
‘प्रिमियर लिग वा च्याम्पियन्स लिग वा दर्शक बिना फुटबल खेल्न मेरो रुचिको बिषय हैन । तर हामी सरकारको निर्देशन पालना गर्न गईरहेका छौ ।’ उनले थपे ।
