श्रीलंकन टिममा डिक्वेला र परेराको पुनरागमन

एजेन्सी । वेष्ट इण्डिजविरुद्धको एकदिवसीय क्रिकेट सिरिजका लागि श्रीलंकाले राष्ट्रिय टोलीको घोषणा गरेको छ ।

श्रीलंकाले घरेलु मैदानमा हुने ३ खेलको सिरिजका लागि दिमिथ करुणारत्नेको कप्तानीमा १५ सदस्यीय टोलीको घोषणा गरेको हो ।

श्रीलंकाको टोलीमा थिसरा परेरा र निरोशन डिक्वेलाले टिममा पुनरागमन गरेका छन् । दनुस्का गुणाथिलका भने चोटको कारण टिमबाहिर परेका छन् ।

वेष्ट इण्डिज र श्रीलंकाबीचको तीन खेलको सिरिज फेब्रुवरी २२ देखि २६ सम्म हुनेछ ।

श्रीलंकन टिममा कप्तान करुणारत्नेसँगै अभिस्का फर्नान्डो, कुशल परेरा, शेहन जयसूर्या, निरोशन डिक्वेला, कुशल मेन्डीस, एन्जेलो म्याथ्युज, धनज्यय डी सिल्भा, थिसरा परेरा, डसुन शनाका,वाविन्दु हसरंगा, लक्षण संद्नकान, इसुरु उडान, नुवान प्रदिप र लाहिरु कुमारा रहेका छन् ।