पाकिस्तान भ्रमणका लागि श्रीलंकालाई प्रस्ताव

एजेन्सी । पाकिस्तान क्रिकेट बोर्डले घरेलु मैदानमा दुई टेष्ट सिरिज खेल्नका लागि श्रीलंका क्रिकेट बोर्डलाई प्रस्ताव गरेको छ ।

पाकिस्तानले दुई सम्भावित खेल स्थलसहित श्रीलंकालाई दुई टेष्ट सिरिजको लागि पाकिस्तान भ्रमणको निम्तो पठाएको क्रिकइन्फोले जनाएको छ ।

पाकिस्तानले कराची र रावलपिण्डीमा खेल्नेगरि श्रीलंकालाई भ्रमणको प्रस्ताव गरेको हो ।

सन् २००९ मा श्रीलंकाका खेलाडीलाई लक्षित आतंकवादी हमला भएपछि श्रीलंकाले टेष्ट सिरिजका लागि पाकिस्तानको भ्रमण गरेको छैन ।

तर, हालै श्रीलंकाको केहि सिनियर खेलाडी सम्मलित टिमले पाकिस्तानको भ्रमण गर्दै टी-ट्वान्टी र एकदिवसीय सिरिज खेलको थियो ।