नेपाल भारतसँग पराजित

काठमाडौं । पहिलो संस्करणको दक्षिण एसियाली यू–१६ नेटबल च्याम्पियनसिपको तेस्रो खेलमा नेपालले हार व्यहोरेको छ ।

लगनखेलस्थित सैनिक शारीरिक तथा तालिम केन्द्रमा शनिबार भएको खेलमा नेपाल भारतसँग ४२-१८ स्कोरले पराजित भएको छ । भारतको जितमा आसुले १६ अंक जोडिन ।

यसअघि शुक्रबार नेपालले एक खेलमा जित र एक हार व्यहोरेको थियो । नेपालले पहिलो खेलमा पाकिस्तानमाथि ३८–१३ को जित निकालेको थियो । दोस्रो खेलमा भने नेपाल माल्दिभ्ससँग ३५–२७ ले पराजित भएको थियो ।

अर्को खेलमा श्रीलंकाले पाकिस्तानलाई ६८-६ अंकले पराजित गरेको छ ।