बार्बाडोसको खेल आज राति, सन्दीप चम्किएलान् ?

काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको टिम बार्बाडोस ट्रिडेन्टले क्यारेबियन क्रिकेट लिग (सीपीएल) क्रिकेटमा आज (आइतबार ) राति गुएना अमेजन वारिवर्सविरुद्ध प्रतिस्पर्धा गर्दैछ ।

ब्रिजटाउनमा हुने बार्बाडोस र गुएनाबीचको खेल नेपाली समय अनुसार विहान ३:४५ मा सुरु हुनेछ । गुएनाविरुद्ध मैदान उत्रदा बार्बाडोस तेस्रो जितको खोजीमा हुनेछ ।

चार खेलमा २ जित र २ हार व्यहोरेको बार्बाडोस ४ अंक जोडेर लिगको चौंथो स्थानमा रहेको छ ।

गुएना अपराजित रहेको छ र गुएना ५ खेलमा ५ जित निकाल्दै १० अंक जोडेर शीर्ष स्थानमा रहेको छ ।

गुएनाविरुद्धको खेलमा युवा लेग स्पिनर सन्दीप टिममा पर्ने सम्भावना बलियो रहेको छ । अघिल्ला खेलमा उच्च प्रदर्शन गरेको कारण सन्दीप प्लेईङ-११ मा पर्ने सम्भावना बलियो रहेको छ ।

सन्दीपले यस सिजन ४ खेलमा ५ विकेट हात पार्न सफल भईसकेका छन् ।