अग्रता जोगाउन नसक्दा वायर्नको बराबरी

एजेन्सी । जर्मन बुन्डेस लिगा फुटबलमा साविकको विजेता वायर्न म्युनिख बराबरीमा रोकिएको छ ।

शनिबार राति भएको खेलमा वायर्न आरबी लेपजिगसँग १-१ गोलको बराबरीमा रोकिएको हो ।

लेपजिगको मैदानमा सुरुवाती अग्रता जोगाउन नसक्दा वायर्नले बराबरी खेलेको हो ।

खेलको तेस्रो मिनेटमा रोबर्टो लेवान्डोस्कीले गोल गर्दै वायर्नलाई अग्रता दिलाएका थिए । तर, खेलको ४५ औं मिनेटमा लेपजिगका इमिल फोर्सबेर्गले पेनाल्टीमा गोल गर्दै खेल १-१ को बराबरीमा ल्याए ।

दोस्रो हाफमा दुवै टोलीले गोल गर्न सकेनन् र खेल १-१ को बराबरीमा सकियो ।

बराबरीसँगै वायर्नले ४ खेलबाट ८ अंक जोडेको छ । वायर्न तेस्रो स्थानमा रहेको छ । 

४ खेलमा १० अंक जोडेको लेपजिग शीर्ष स्थानमा रहेको छ ।