काठमाडौं । नेपाल पुलिस क्लबले छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिगमा तेस्रो स्थान हासिल गरेको छ ।
त्रिपुरेश्वरस्थित राखेपको कभर्डहलमा शनिबार लिगको आफ्नो अन्तिम खेलमा एपीएफलाई ३-२ को सेटमा हराएर पुलिसले तेस्रो स्थान हासिल गरेको हो ।
रोमान्चक खेलको सुरुआती दुई सेट पुलिसले २५-२१ र २५-२३ ले जितेको थियो ।
तर, त्यसपछिको दुई सेट एपीएफले २५-१९ र २५-२० ले जित्दै खेल पाँचौं सेटमा पुर्राएका थिए ।
त्यसपछि पाँचौं सेटमा पुलिसले १८-१६ ले जित्दै खेल आफ्नो बनायो ।
यस जितसँगै पुलिसले ६ खेलमा ११ अंक जोडेको छ ।
तेस्रो भएसँगै पुलिसले १ लाख ५० हजार प्राप्त गरेको छ ।
एपीएफ चौंथो बन्यो । एपीएफले ७५ हजार प्राप्त गरेको छ ।
