काठमाडौं । बंगलादेशमा सम्पन्न एसियन सिनियर सेन्ट्रल जोन पुरुष तथा महिला भलिबल च्यालेन्ज कपको उपाधि विजेता नेपाली महिला टोली भोलि बिहीबार स्वदेश फर्किने भएका छन् ।
नेपाल भलिबल संघले नेपाली महिला र पुरुष टोली बिहीबार बिहान स्वदेश फर्किने जनाएको छ । नेपाली टोली बिहान ११:१० बजे त्रिभुवन विमानस्थल आईपुग्ने जनाएको छ ।
ढाका मंगलबार उज्वेकिस्तानलाई ३-२ को सेटमा हराउँदै नेपालको महिला टिम च्याम्पियन बनेको थियो । नेपाल लगातार दोस्रो पटक च्याम्पियन बनेको हो ।
पुरुषतर्फ भने नेपाल चौंथो स्थानमा रह्यो । तेस्रो स्थानका लागि भएको खेलमा नेपाल उज्वेकिस्तानसँग ३-० को सेटमा पराजित भयो ।
