धनगढी । धनगढीमा जारी मेयर धनगढी प्याब्सन कप विद्यालय स्तरीय क्रिकेट प्रतियोगिताको उपाधिका लागि लिटल फ्लावर स्कुल र स्टेपिङ स्टोन भिड्ने भएका छन् ।
बिहीबार भएको सेमिफाईनलमा जित हासिल गर्दै दुई टोली उपाधिका लागि शुक्रबार भिड्ने भएका हुन् ।
पहिलो सेमिफाईनलमा स्टेपिङ स्टोनले एरिष्टो स्कुललाई ९ विकेटले हरायो । पहिले ब्याटिङ गरेको एरिष्टोले १६ दशमलव १ ओभरमा सबै विकेट गुमाउँदै ६९ रन बनायो ।
जवाफमा स्टेपिङ स्टोनले ९ ओभरमा एक विकेट क्षतिमा लक्ष्य भेट्टायो।
दोस्रो सेमिफाईनलमा लिटल फ्लावरले पञ्चोदय माविमाथि १९ रनको जित दर्ता गर्यो । पहिले ब्याटिङ गर्दै लिटल फ्लावरले २० ओभरमा ७ विकेट क्षतिमा एक सय ३९ रन बनायो ।
जवाफमा पञ्चोदयले १९ दशमलव ५ ओभरमा सबै विकेट गुमाउँदै एक सय २० रन मात्रै बनाउन सक्यो ।
प्रतियोगितामा धनगढी नगर क्षेत्रका २० वटा निजी र सामुदायिक विद्यालयहरूको सहभागिता रहेको छ ।
-1751593454.webp)
