काठमाडौं । गोकर्णेश्वर नगरपालिकामा दोस्रो राष्ट्रपति रनिङ शिल्ड खेलकुद प्रतियोगिता सुरु भएको छ ।
प्रतियोगितामा नगरपालिका भित्रका ४१ संस्थागत र सामुदायिक विद्यालयको सहभागिता रहेको छ ।
प्रतियोगितामा छात्र तथा छात्रातर्फ भलिबल, कबड्डी, एथलेटिक्स र मार्सल आर्ट्सका खेलहरु समावेश गरिएको छ ।
भलिबलका खेलहरु बाल सुधार माबी, एथलेटिक्सका खेलहरु ओख्रेनी माबी, मार्सल आर्ट्सका सम्पूर्ण खेलहरु शंखडोल कभर्ड हल र कबड्डीका खेलहरु नेपालय पब्लिक स्कुलमा हुनेछ ।
आइतबार भएको छात्रतर्फको भलिबलको उद्घाटन खेलमा अरुणोदय माबीले ब्राइट जोन इन्टरनेसनल स्कुललाई २५-१० , २४-२६ र १५-९ को सेटमा हराएको छ ।
प्रतियोगिताको उद्घाटन पूर्व मन्त्री अम्बिका बस्नेत र गोकर्णेश्वर नगरपालिकाका मेयर सन्तोष चालिसेले गरेका थिए ।
