काठमाडौं । आयोजक काठमाडौं विद्या कुञ्ज सेकेन्डरी स्कुल (केभीकेएसएस) ले केभीकेएसएस अन्तरविद्यालय बास्केटबल प्रतियोगिताको ब्वाइजतर्फलगातार दोस्रो जित निकालेको छ ।
बिहीबार भएको खेलमा केभीकेएसएसले न्यु समिटलाई १५–१४ को साँघुरो अन्तरले पराजित गर्यो । केभीकेएसएसको लागि कविन थापा मगरले ६ अंक जोडे ।
ब्वाइजमै भ्याली पब्लिकले बुद्ध एकेडेमीलाई ४६–३६, एचएचसीएले त्रियोगलाई ४२–२१, निम्सले हिमरश्मीलाई ५५–३३ तथा लक्ष्मीपुरले न्यु बुद्ध प्रकाशलाई २७–१६ ले पन्छाए । भ्याली पब्लिकका राहुल विकले २४, एचएचसीएका दीपराज तामाङले १६, निम्सका सुमन बोगटीले १३ र लक्ष्मीपुरका सञ्जय श्रेष्ठले १२ स्कोर गरे ।
गल्र्समा ग्रीनल्यान्डले भ्याली पब्लिकलाई ३५–२३, टीआईएले इनोभेटिभलाई ३५–२४, स्काइलार्कले साइपाल एकेडेमीलाई २५–१२ र त्रियोगले न्यु समिटलाई ६–२ ले पाखा लगाए ।
