काठमाडौं । काठमाडौंमा आईतबार सुरु भएको गोल्डेन एथलेटिक्स मिटको १० हजार मिटर दौडमा तिर्थ पुन र रेखा विष्टले स्वर्ण पदक जितेका छन् । एथलेटिक्स परिवार नेपालको आयोजनामा सञ्चालित प्रतियोगिताको १० हजार मिटर दौडमा पर्वतका तिर्थ र पुलिस क्लबकी रेखा पहिलो बनेका हुन् ।
तिर्थले निर्धारित दुरी ३० दशमलव ४७ सेकेन्डमा पुरा गरे । रेखाले निर्धारित दुरी ३९ दशमलव ३८ सेकेन्डमा पुरा गरिन् । सो स्पर्धामा तिर्थ पहिलो बन्दा एपीएफका राजेन्द्र तामाङ दोस्रो र सन्तोष बिक्रम विष्ट तेस्रो भए । महिला स्पर्धामा अन्जु खड्का तेस्रो र सुमित्रा चौधरी तेस्रो बनिन् ।
यस्तै, सय मिटर पुरुष स्पर्धामा कर्णाली प्रदेशका युवराज बिक पहिलो बने । एपीएफका शिवराज पार्की दोस्रो र एपीएफकै निरप्रताप महतो तेस्रो बने । सय मिटरको महिला स्पर्धामा दाङकी निशा चौधरी पहिलो बनिन् । उनले निर्धारि दुरी १२ दशमलव ५३ सेकेन्डमा पुरा गरिन् । पुलिसकी लक्ष्मी साउद दोस्रो र ललितपुरकी रजिना दुलाल तेस्रो बनिन् ।
चार सय मिटर महिलाा स्पर्धामा रमिता कुमारी थारु पहिलो, कल्पना श्रेष्ठ दोस्रो र अरुजा रिजाल तेस्रो बनिन् । सोही विधाको पुरुष स्पर्धामा पुलिसका तेजबहादुर कार्की पहिलो, लुम्बिनीका तुल्सीराम थारु दोस्रो र एपीएफका आषिश चौधरी तेस्रो बने ।
चार बाई सय मिटर रिले पुरुषमा एपीएफको टिम च्याम्पियन, लुम्बिनी प्रदेशको टिम दोस्रो र नेपाल पुलिस क्लबको टिम तेस्रो बन्यो ।
पन्ध्र सय मिटर महिला स्पर्धामा पुलिसकी राममाया बुढा पहिलो, एपीएफकी फुलमती राना दोस्रो र एपीएफकी आशा रावल तेस्रो बनिन् । सोही विधाको पुरुष स्पर्धामा पुलिसका नागेश्वर ऐर पहिलो, सन्तोष नेपाली दोस्रो र विषेश घिमिरे तेस्रो बने ।
लङजम्पको पुरुष स्पर्धामा एपीएफका सलिम देवानले ७ मिटर ०९ सेन्टिमिटरमा नयाँ राष्ट्रिय कीर्तिमान कायम गरे । एपीएफका सुदिप थारु दोस्रो र एपीएफकै मिथुन चौधरी तेस्रो बने । महिला स्पर्धामा दाङकी निशा चौधरी पहिलो, पुलिसकी सिमा चौधरी दोस्रो र एपीएफकी रञ्जिता राई तेस्रो बनिन् ।
हाइजम्पको महिला स्पर्धामा लम्जुङका सिमा श्रेष्ठ पहिलो, पुलिसकी लक्ष्मी साउद दोस्रो र एपीएफकी बिर्सना कुमाल तेस्रो बनिन् । पुरुष स्पर्धामा भने प्रभु थापा पहिलो, पुलिसका चन्द्र जोशी दोस्रो र कैलालीका नरबहादुर साउद तेस्रो बने ।
प्रतियोगिताको दोस्रो तथा अन्तिम दिनका खेल भोलि सोमबार दशरथ रंगशालामा हुनेछ । प्रतियोगितामा राष्ट्रिय खेलकुद परिषद् राखेप, नेपाल एथलेटिक्स संघ, प्रदेश खेलकुद विकास परिषद् बागमती लगायतले सहकार्य गरेका छन् ।
-1746755007.webp)
