काठमाडौं । सुमन कुलुङ राई र हुमी बुढा मगरले पाँचौ झिल्टुङ्ग क्रस कन्ट्री च्याम्पियनसिपको उपाधि जितेका छन् ।
नुवाकोटको बेलकोटगढी नगरपालिकामा शनिबार भएको दौडमा सुमन पुरुषतर्फ र हुमी महिलातर्फ च्याम्पियन बनेकी हुन् ।
पुरुषतर्फ सुमनले कीर्तिमानसहित उपाधि जितेका हुन् । उनले ५४ मिनेट ५५ सेकेन्ड ०९ मा १३.४ किलोमिटरको दुरी पार गर्दै कीर्तिमान बनाएका हुन् । उनले १३ औं सागका स्वर्ण पदक विजेता किरणसिंह बोगटीको ५६ मिनेटको कीर्तिमान भङ्ग गरे ।
यस्तै दोस्रो भएका आकाश राईले ५५ मिनेट ५८ दशमलब ५० सेकेन्डमा दुरी पुरा गरे भने तेस्रो भएका राजेन्द्र तामाङले ५९ मिनेट २० दशमलब ०४ सेकेन्डमा दुरी पुरा गरे ।
महिलातर्फको उपाधि जित्न हुमीले १ घण्टा १३ मिनेट २३ सेकेन्डमा दुरी पुरा गरिन् । उनी १३ औं दक्षिण एसियाली खेलकुद सागमा दुवाथलनकी रजत पदक विजेता समेत हुन् ।
दोस्रो भएकी बन्दना राईले १ घण्टा १७ मिनेट ५८ सेकेन्डमा पुरा गरिन् भने तेस्रो भएकी एपीएफकी आशा राउतले १ घण्टा २० मिनेट २५ सेकेन्डमा निर्धारित दुरी पुरा गरिने ।
महिला र पुरुषतर्फका विजेताले १५ हजार, दोस्रो हुनेले १० हजार र तेस्रो हुनेले ५ हजार प्राप्त गरे ।
आमा समुहतर्फ अघिल्लो वर्षकी विजेता सन्तुमाया श्रेष्ठ प्रथम भइन् भने विमला श्रेष्ठ (क) दोस्रो भइन् भने कल्पना श्रेष्ठ तेस्रो भइन् । उनीहरुले क्रमश पहिलो हुनेले १० हजार, दोस्रोले ६ हजार र तेस्रो हुनेले ४ हजार प्राप्त गरेका छन् ।
स्थानीय विधाको पुरषमा प्रज्वल लामिछाने प्रथम, नविन भण्डारी दोस्रो र दिनेश भण्डारी तेस्रो भए । झिल्टुङ्ग क्रस कन्ट्री दौडमा स्थानीय यु–१६ छात्रतर्फ दिनेश नेपाल, शिशिर तामाङ, अनिस भण्डारी पहिलो दोस्रो र तेस्रो भए । छात्रामा , विद्यालयका छात्र छात्रातर्फ दिपशिखा राई प्रथम भइन् भने अस्मीता दुलाल दोस्रो र सपना श्रेष्ठ तेस्रो भइन् ।
यस्तै, ४.५ किलोमिटर खुल्लातर्फ छात्रमा विश्वराम कुँबर प्रथम भए भने उदय लिम्बु दोस्रो र प्रविण लम्लीङ्ग तेस्रो भए । यहिँ विधाको छात्रामा सरस्वती बोहरा, रेश्तिना सितिखु, अन्जु खड्का क्रमश पहिलो दोस्रो र तेस्रो भए ।
विभिन्न ९ विधाका धावकहरुले प्रतियोगितामा सहभागिता जनाएका थिए । पाँचौ संस्करणसम्म आइपुग्दा प्रतियोगिताले बेलकोटगढी नगरपालिकालाई चिनाउन मद्दत गरेको आयोजकको दाबी छ ।
सुरुका दिनहरुमा काठमाडौंबाट गएका खेलाडीले मात्रै पुरस्कार पाउँदा त्यहाँका स्थानीयलाई समेत अपनत्व हुने गरि स्थानी र स्थानीय विद्यालयका छात्र छात्राका लागि र गएको वर्षदेखि आमा समुह जस्ता विधा थप गरिएका थिए ।
प्रतियोगिताको आयोजनाका लागि बेलकोटगढि नगरपालिकाले ४ लाख दिएको र त्यसैले यसको आयोजना भएको आयोजक वडा नम्बर ५ का अध्यक्ष अनन्तराम नेपालले बताए ।
.JPG)
