सुमनलाई एभरेष्ट म्याराथनको उपाधि

गृहपृष्ठ
म्याराथन

सोमबार, जेठ १५, २०८० खेलपाटी संवाददाता

काठमाडौं । तेन्जिङ हिलारी एभरेष्ट म्याराथनको उपाधि सुमन कुलुङले जितेका छन् ।

सुमनले विश्वकै सर्वाधिक उचाईमा सोमबार आयोजना भएको म्याराथनको उपाधि उचालेका हुन् ।

सगरमाथाको आधार शिविरबाट सुरु भएको म्याराथनमा सुमनले निर्धारित दुरी ३ घण्टा ४८ मिनेट ५४ सेकेण्डमा पूरा गरे ।

दल बहादुर कुँवर ३ घण्टा ५७ मिनेट ५३ सेकेण्डको समय निकाल्दै दोस्रो भए ।

यस्तै उमेश राईले निर्धारित दुरी ४ घण्टा ०२ मिनेट ०३ सेकेण्डमा पूरा गर्दै तेस्रो स्थान हासिल गरे ।

महिलातर्फको हाफ म्याराथनको उपाधि भारतकी सम्झना राईले जितिन् । सम्झनाले निर्धारित दुरी ३ घण्टा १९ मिनेट ४८ सेकेण्डमा पूरा गरिन् ।

May be an image of 4 people and text

दोस्रो भएकी अष्ट्रेलियाकी इम्मा विलियम्सले ३ घण्टा २१ मिनेट ४१ सेकेण्डको समय निकालिन । यस्तै रसियाकी एलेक्सजेन्डर बुर्त्सेभले ३ घण्टा २३ मिनेट ५४ सेकेण्डसहित तेस्रो बनिन् ।

अल्ट्रा म्याराथनतर्फको उपाधि तीर्थ बहादुर तामाङले जिते । यस्तै तिलक बहादुर सुनुवार दोस्रो र किरण कुलुङ तेस्रो भए।

म्याराथन सर्वोच्च शिखर सगरमाथाको आधार शिबिरबाट सुरु भएर नाम्चे बजारमा आएर सकिएको थियो ।

May be an image of 7 people and text