काठमाडौं । विश्व एथलेटिक्स च्याम्पियनसिप अन्तर्गत म्याराथनमा नेपालका धावक कृष्ण बहादुर बस्नेतले ५४ औं स्थान हासिल गरेका छन् ।
अमेरिकाको पोर्टल्यान्डमा आइतबार भएको म्याराथनमा कृष्णले ५४ औं स्थानमा रहदै दौड सकाएका छन् ।
कृष्णले निर्धारित दुरी २ घण्टा २४ मिनेट १९ सेकेण्डमा पूरा गरे ।
कुल ६३ खेलाडी सहभागी म्याराथनमा उनी पुछारमा रहे । ५४ जनाले दौड पूरा गर्दा ९ खेलाडीले दौड पूरा गर्न सकेनन् ।
यस स्पर्धामा इथोपियाका टामिराट तोलाले उपाधि जिते । इथोपियाकै मोसिनेट ग्रिमिउ दोस्रो हुँदा बेल्जियमका बसिर अब्दी तेस्रो भए ।
कृष्ण प्रधानसेनापति खुल्ला म्याराथनको उपाधि जितेको कारण विश्व च्याम्पियनसिप खेल्न गएका हुन् ।
प्रधानसेनापति म्याराथनमा कृष्णले निर्धारित दुरी २ घण्टा १९ मिनेट ५७ सेकेण्डमा पूरा गरेका थिए । च्याम्पियनसिपका लागि कृष्णसहित ३ सदस्यीय नेपाली टोली पोर्टल्यान्ड गएका थिए ।
व्यवस्थापकमा नेपाल एथलेटिक्स संघका महासचिव धनवीर चौधरी तथा अफिसियलमा सचिव आरके विष्ट रहेका छन् ।
-1746894755.jpeg)
