काठमाडौं । बेलायतकी टेनिस सुन्दरी ईमा राडुकानुले युएस ओपनको उपाधि रक्षामा आफूले दबाब महसुस नगरेको बताएकी छिन् । न्यूयोर्क फर्कन एक महिनाभन्दा कम समय बाँकी रहेको बेलामा उनले उपाधि चुम्ने लक्ष्य राखेकी छन्।
सुपरस्टार किशोरी राडुकानुले एक वर्ष पहिले फ्लसिङ मीडोजमा टेनिसको सबैभन्दा ठुलो उपलब्धिहरू मध्ये एक मानिने ग्रान्ड स्लाम पूरा गरिन् । वरियतामा १५० औं स्थानकी क्वालिफायर राडुकानुले ग्रान्ड स्लाम च्याम्पियन बन्ने क्रममा धेरै अनुभवी प्रतिद्वन्द्वीलाई पछाडी पारेकी थिइन् ।
यस विजयले उनी बेलायती जनताको मन जित्न सफल भईन । तर, उनी मे महिनामा रोममा र नटिङ्घममा घाइते हुन पुगिन । रोल्यान्ड-गारोस र विम्बल्डन दुवैको दोस्रो राउन्डमाबाट बाहिरिएपछि उनले टूर्नामेन्ट जित्न सकेकी छैनन ।
बिग एप्पलको क्राउडमा फर्किंदा ठुला दिग्गज प्रतिस्पर्धीलाई पनि हल्लाउन सक्ने क्षमता बोकेकी १९ वर्षीया किशोरीले स्काई स्पोर्ट्सलाई बताइन् कि उनी आफू र मिडियाबाट मात्रै दबाब महसुस गर्छिन् ।
'दबाव भनेको या त मैले आफैंमा राखेको कुरा हो वा म आफैंबाट के अपेक्षा गर्छु भन्ने हो । म पत्रकार सम्मेलनमा हुँदा मात्रै दबाब महसुस गर्छु वा यसको बारेमा सोच्दछु किनभने सबै प्रश्न दबाबकै बारेमा हुन्छन्,' राडुकानुले भनिन् ।
१० औं वरीयताकी उनी हालै सिटी ओपनको क्वार्टरफाइनलमा तल्लो वरीयताकी लिउडमिला सामसोनोभासँग हारेकी थिइन् । उनले यस वर्षको यूएस ओपनलाई नयाँ सुरुवात गर्ने अवसरको रूपमा हेरेको बताइन्।
'म साँच्चै न्यूयोर्क फर्किनको लागि तत्पर छु र मलाई लाग्छ कि जे भए पनि यसको अन्त्य राम्रो हुनेछ,' उनले भनिन्, 'नतिजा जस्तोसुकै भए पनि, म फेरि सुरु गर्न सक्छु, सफा र स्लेट । यदि मेरो सबै अंकहरू झर्यो भने म फेरि काम गर्नेछु । मलाई लाग्छ, जे भए पनि, नयाँ सुरुवात हुनेछ।'
