काठमाडौं । विश्व नम्बर एक नोभाक जोकोभिच फ्रेन्च ओपन टेनिसको तेस्रो चरणमा प्रवेश गरेका छन् ।
पेरिसमा बुधबार राति स्लोभाकियाका एलेक्स मोलकानलाई हराउँदै जोकोभिचले तेस्रो चरणमा स्थान बनाएका हुन् ।
२० पटकको ग्रान्डस्लाम विजेता जोकोभिचले एलेक्समाथि ६-२,६-३ र ७-६ (७-४) को सेटमा हराए ।
यस्तै जर्मनीका एलेक्सजेन्डर ज्वेरभले पनि तेस्रो चरणमा स्थान बनाएका छन् । उनले अर्जेन्टिनाका सेबास्टियन बेजलाई २-६,४-६,६-१,६-२ र ७-५ को सेटमा पराजित गरे ।
महिलातर्फ इम्मा राडुकानु भने बाहिरिएकी छिन् ।
१९ वर्षीय बेलायती खेलाडीलाई बेलारुसकी एलिकसान्ड्रा सास्नोभिचले पराजित गरिन् ।
बेलारुसी खेलाडीले राडुकानुलाई ३-६,६-१ र ६-१ को सेटले पराजित गरिन् ।
-1751205100.jpg)
