एजेन्सी । विश्व नम्बर एक नोभाक जोकोभिच एटीपी फाइनल्स टेनिसको सेमिफाइनलमा प्रवेश गरेका छन् ।
लण्डनमा शुक्रबार भएको खेलमा जर्मनीका एलेक्सजेन्डर जेभरेभलाई पराजित गर्दै जोकोभिचले अन्तिम चारको यात्रा तय गरेका हुन् ।
सर्बियन जोकोभिचले जेभरेभमाथि ६-३ र ७-६ (७-४) को सेटमा जित निकाले ।
जोकोभिच सेमिफाइनल पुग्ने अन्तिम खेलाडी हुन् ।
अब ३३ वर्षीय जोकोभिचले सेमिफाइनलमा डोमिनिक थिमसँग खेल्ने छन् ।
अष्ट्रियाका डोमिनिकले यस अघि नै सेमिफाइनलमा स्थान बनाईसकेका छन् ।
अर्को सेमिफाइनलमा विश्व नम्बर दुई राफेल नाडालले रुसका डानिल मेदभेदेबसँग खेल्ने छन् ।
