एजेन्सी । विश्व नम्बर एक नोभाक जोकोभिचले एटीपी फाइनल्समा विजयी सुरुवात गरेका छन् ।
लण्डनमा सोमबार राति भएको खेलमा अर्जेन्टिनाका डिएगो स्वार्टजम्यानलाई पराजित गर्दै जोकोभिचले सुखद सुरुवात गरेका हुन् ।
सर्बियन जोकोभिचले डिएगोमाथि ६-३ र ६-१ को सेटमा जित निकाले ।
यससँगै ३३ वर्षीय जोकोभिचले डिएगोविरुद्धको ६ खेलमा अपराजित रहन सफल भएका छन् ।
यस अघि विश्व नम्बर दुई राफेल नाडालले सुखद सुरुवात गरिसकेका छन् ।
कोरोना भाईरसको कारण यस पटकको प्रतियोगिता दर्शक बिना संचालन भईरहेको छ ।
