काठमाडौं ।
मार्च १७, सन् २०१५ ।
विश्वकप छनाेट अन्तर्गतकाे दाेस्राे लेग । प्रतिद्वन्दी नेपाल भर्सेस भारत ।
दर्शकदिर्घा भरिभराउ थियो । प्यारापिटका चारैतर्फ दर्शक खचाखच थिए । दुवै टिमले साे खेलमा गाेल रहित बराबरी खेलेका थिए ।
सोही खेल राष्ट्रिय पुरुष फुटबल टिमको दशरथ रंगशालामा खेलेको अन्तिम खेल बन्यो । नेपाली दर्शकले त्यसपछि दशरथ रंगशालामा राष्ट्रिय टिमको खेल हेर्न पाएका छैनन् ।
भनिन्छ, दशरथ रंगशाला र नेपाली फुटबल एक अर्काका पर्याय हुन् । फुटबलका जति कथा र ईतिहास छन्, ती सबै दशरथ रंगशालामै बनेका छन्, लेखिएका छन् ।
रंगशालामा नखेलेर कुनै फुटबलर कसरी पुर्ण हुन्छ ? प्रश्न यस्ता पनि सुनिन्छ ।
तर, राष्ट्रिय फुटबल टिमको पछिल्लो पुस्ताले रंगशालामा खेल्न पाएको छैन ।
२०७२ सालमा गएको विनासकारी भुकम्पपछि घरेलु फुटबल रंगशालाबाट टाढिएरै बस्यो ।
समयमै यसको पुननिर्माण नहुदाँ फुटबलका गतिविधि हुन पाएन । नयाँ पुस्ताका खेलाडीले हजारौ दर्शक अनि समर्थकको हुटिङको अगाडी खेल कौशल देखाउने अवसरनै पाएनन् ।
तर करिब ५ बर्षपछि नेपाली खेलकुद पुन : दशरथ रंगशाला फर्कदैछ ।
अबको २ महिना भित्र दशरथ रंगशालामा दुई ठुला खेल प्रतियोगिता आयोजना हुदैछ । सोही कारण रंगशाला निर्माणको काम धमाधम चलिरहेको छ ।
सन् २०२२ मा कतारमा हुने विश्वकप फुटबलको छनोट र तेह्रौ संस्करणको दक्षिण एसियाली खेलकुद प्रतियोगिता (साग)को उद्घाटन सहितको प्रतियोगिता दशरथ रंगशालामै गराउने तयारी छ ।
७२ सालको शक्तिशाली भुकम्पपछि दशरथ रंगशालामा ठुलो क्षति पुग्यो । रंगशालामा हुने खेलकुदका गतिविधि प्राय ठप्प रहे । सुरुवाती दुई बर्ष पुनर्निमाणले गतिले लिन सकेन । साग आयोजनाको बाध्यताका बीच पछिल्ला वर्षमा पुनर्निमाणले गति लिएको हो ।
रंगशालाको काम नहुदाँ सागका सुरुवाती दुई मिति यत्तिकै टर्न पुगेको थियो । पुनर्निमाणमा देखिएको सुस्तताले तेस्रो मितिमा गरिएको तयारीले सागको भब्यतामा आशंका व्यक्त हुने गरेको छ ।
राष्ट्रिय खेलकुद परिषद (राखेप) फिफा विश्वकप छनोटको खेलमार्फत रंगशाला निर्माणको तयारी पुरा भएको देखाउन चाहन्छ । तर भिआईपीतर्फको प्यारापिटको छानो हाल्ने काम समयमै सकिनेमा आशंका छ ।
राखेप सदस्य सचिव रमेश सिलवालले मंसिर ३ गते विश्वकप छनोटको खेल दशरथ रंगशालामै खेलाउने बताईसकेका छन् । पाल टाँगेरै भएपनि फुटबल रंगशालामा खेलाउने उनको बचन छ ।
सोही कारण कम्तिमा टाँगिएको पालमा फुटबल रंगशाला फर्कने निश्चित जस्तै छ ।
फुटलब टिमका कप्तान किरण कुमार लिम्बुले करिब ५ बर्षपछि दशरथ रंगशालामा हुन लागेको खेललाई लिएर निकै उत्साहीत रहेको बताउँछन् ।
‘फेरि एक पटक १५–१६ हजार दर्शक उपस्थित मैदानमा खेल्ने भएका छौं । सम्पुर्ण खेलाडी उत्साहित छौ, आशा छ, समर्थक समेत धेरै उत्साहित हुनुहुन्छ ।’ राष्ट्रिय टिमका कप्तान चेम्जोङ भन्छन् ।
दर्शकलाई बाह्रौ खेलाडीको रुपमा ब्याख्या गर्दै कप्तान चेम्जोङले नतिजा निकाल्न रंगशालामा हुने दर्शकले अहम भुमिका खेल्ने बताए ।
‘मैदानमा फुटबल टिम ११ खेलाडीमा हुन्छ । तर बाह्रौ खेलाडीको रुपमा दर्शकको साथ चाहिन्छ । राम्रो नतिजाका लागि लडाँई हुनेछ ।’ उनले भने ।
किरणले घरेलु दर्शकको उपस्थितीले मैदानमा खेल्न थप उर्जा प्राप्त हुने बताए ।
विश्वकप छनोटको खेल तालिका सार्वजनीक हुदाँ नेपालले सुरुवाती दुई खेल घरेलु मैदानमा खेल्नुपर्ने भएको थियो ।
तर पुनर्निमाणमा रहेको रंगशालाका कारण नेपालले सुरुवाती चारै खेल अवे खेलाउन फिफा र एएफसीलाई अनुरोध गर्यो । सोही अनुसार नेपालले सुरुवाती चारवटै अवे म्याच खेलिसकेको छ ।
नेपालले पहिलो खेल कुवेतविरुद्व लज्जास्पद नतिजा ब्यहोर्ने क्रममा ७–० ले पराजित भएको थियो । दोस्रो खेलमा चाईनिज ताईपेलाई उसैको मैदानमा २–० ले हराएको नेपालले अष्ट्रेलियासंग ५–० र जोर्डनसंग ३–० ले पराजित हुन पुगेको थियो ।
अब नेपालले पहिलो होम गममा मंसिर ३ गते कुवेतलाई आमन्त्रण गर्नेछ । यस्तै चैत १३ गते चाईनिज ताईपे, चैत १८ गते अष्ट्रेलिया र जेठ २२ गते जोर्डनलाई घरेलु मैदानमा आमन्त्रण गर्नेछ ।
तर, कुवेतविरुद्व दोस्रो लेगको खेल हुन झण्डै एक महिनामात्र बाँकी रहेपनि रंगशालाको पुनर्निमाणले पुर्णता पाउने सम्भावना निकै कम देखिन्छ । मैदान अझै बन्ने क्रममा छ । रंगशालाको भिआईपी प्यारापिटतर्फको छानो राख्न बाँकी छ ।
चारैतर्फको प्यारापिटमा सिट राख्ने काम अझै बाँकी छ । प्यारापिटमा राखिने सिटहरु अझै काठमाडौं आईपुगेका छैनन् । साउण्ड सिष्टम लगायतका काम यथावतनै छन् ।
सामान्य प्यारापिटतर्फको छानो हाल्ने काम सकिएको छ भने स्कोर बोर्ड र सेन्थेटिक ट्रयाकको काम सकिएको अवस्थामा छ । दशै अघिबाट मैदान सम्याउने काम गरिरहेको एन्फाले अहिले घाँस उमार्न लागेको छ ।
फुटबल टिमका प्रशिक्षक जोहान कालिन समेत घरेलु मैदानमा नेपाली टिमले सकारात्मक नतिजा निकाल्ने बताउँछन् ।
‘खेलाडीले देखाउने ब्यवहार निकै राम्रो छ । खेलाडीले कडा मेहनत गरेका छन् । घरेलु भुमीमा राम्रो नतिजाको आश गरेका छौ । उनले भने ।
‘घरेलु मैदानमा सबै खेल जित्न सक्छु त भन्दिन् । तर कडा मेहनत गरेर राम्रो नतिजा निकाल्न कोशिश गर्छु ।’ उनको दाबी छ ।
-1751297393.jpeg)
-1751282483.jpeg)
-1751282194.jpeg)
