दाङ । आठौं राष्ट्रिय खेलकुद प्रतियोगिता अन्तर्गत महिला सय मिटर हडल्समा प्रमिला थारुले स्वर्ण जितेकी छिन् ।
आईतबार बिहान भएको एथ्लेटिक्सतर्फको खेलमा प्रदेश ५ बाट प्रमिलाले स्वर्ण जितेकी हुन् । उनले निर्धारित दुरी १६ दशमलव २५ सेकेन्डमा पार गरिन् ।
त्यस्तै, प्रदेश ५ कै जयारानी चौधरी दोस्रो भईन् । उनले निर्धारित दुरी १८ सेकेन्डमा पार गरिन् ।
विभागीय टिम आर्मीका तुलशा श्रेष्ठ तेस्रो भईन् । उनले निर्धारित दुरी १८ दशमलव २८ सेकेन्डमा पुरा गरिन् ।
