काठमाडौं । फाइभ ए साइट फुटसल प्रतियोगिताको उपाधि वारियर्स एफसीले जितेको छ । शनिबार भएको प्रतियोगिताको खेलमा वारियर्स एफसीले ढुक फुटसललाई १–० गोल अन्तरले पराजित गर्दै प्रतियोगिताको उपाधि जितेको हो ।
प्रतियोगिताको उपाधि सहित वारियर्स एफसीले ५० हजार रुपैयाँ प्राप्त गर्यो । उपविजेता बनेको ढुकुले ३० हजार रुपैयाँमा चित्त बुझायो ।
बिग एजुकेशन कन्सलटेन्सी मुख्य प्रायोजक रहेको प्रतियोगिताको फाइनलमा विजेता टिमका लागि श्री कृष्ण श्रेष्ठले निर्णाय गोल गरे ।
ललितपुरको इमाडोलस्थित यला फुटसल एण्ड रिक्रियसन सेन्टरमा भएको प्रतियोगितामा आदिल हामिद सर्वोत्कृष्ट खेलाडी चुनिए । विश्वास गुरुङ उत्कृष्ट गोलकिपर चुनिए ।
फुटसलमा आबद्ध खेलाडी र टिमलाई एक्सपोजर दिने उद्धेश्य प्रतियोगिताको आयोजना गरिएको प्रतियोगिताका संयोजक अनुज ढंगोलले बताए ।
प्रतियोगिताको सहयोगीको रुपमा बिग एजुकेशनसँगै हिमालयन जाभा, जर्सी पसल र केटीएम सिटी रहेका थिए ।
