धनगढी । कैलाश विकास बैकले नेपाल आईस धनगढी फुटसल लिगको उपाधि जितेको छ ।
फ्ल्याटल्याण्ड फुटसल शनिबार भएको फाइनलमा नविल बैंकलाई ९-४ ले हराउँदै कैलाश च्याम्पियन बनेको हो ।
कैलाशलाई जित दिलाउन निशान थापाले दोहोरो ह्याट्रिक गरे भने रमेश वोहोराले २ र महेश चौधरीले एक गोल थपे । नविलका लागि विवेक विष्टले २ तथा विरेन्द्र विष्ट र केशव चौधरीले एक एक गोल फर्काए ।
उपाधिसँगै कैलाशले ५० हजार नगदसहित ट्रफी प्राप्त गरेको छ । उपविजेता बनेको नविलले २५ हजारमा चित्त बुझायो ।
लिगको उत्कृष्ट खेलाडी नविलका विरेन्द्र विष्ट चुनिए । सर्वाधिक गोलकर्ता कैलाशका रमेश वोहोरा र उत्कृष्ट गोलरक्षक कैलाशकै सन्दीप शर्मा घोषित भए ।
फ्ल्याटल्याण्ड फुटसलको आयोजना तथा नेपाल खेलकुद पत्रकार मञ्च कैलालीको सह आयोजनामा भएको प्रतियोगितामा धनगढीका १६ वटा बैंक तथा वित्तिय संस्थाहरुको सहभागीता रहेको छ ।।
