काठमाडौं । बायर्न म्युनिख जर्मन कप फुटबलको क्वाटरफाइनलमा प्रवेश गरेको छ ।
बुधबार राति भएको खेलमा मैन्जलाई ४-० गोल अन्तरले हराउँदै बायर्न क्वाटरफाइनलमा प्रवेश गरेको हो ।
जोआ कान्सेलोले डेब्यु गरेको खेलमा बायर्नले सहज जित निकालेको हो ।
खेलको १७ औं मिनेटमा कान्सेलोको पासमा एरिक म्याक्सिम मोटीङले गोल गर्दै बायर्नलाई सुरुआती अग्रता दिलाएका थिए ।
खेलको ३० औं मिनेटमा जमल मुसिआलाले गोल गर्दै बायर्नको अग्रता दोब्बर बनाए ।
खेलको ४४ औं मिनेटमा लोरी सानेले गोल गरेपछि बायर्न ३-० ले अघि रह्यो ।
त्यसपछि खेलको ८३ औं मिनेटमा अल्फन्सो डेभिसले गोल गर्दै बायर्नलाई ४-० को जित दिलाए ।
त्यस्तै खेलको ८६ औं मिनेटमा एलेक्सजेण्डर हाकले रातो कार्ड पाएपछि मैन्ज १० खेलाडीमा समेटिएको थियो ।