काठमाडौं । प्रिमियर लिग क्लब ब्राइटनले मिडफिल्डर मोइसेस काइसेडो अनुबन्धका लागि आर्सनलले गरेको प्रस्ताव अस्विकार गरेको छ ।
आर्सनलले मिडफिल्डर अनुबन्धका लागि दोस्रो पटक गरेको प्रस्ताव ब्राइटनले अस्विकार गरेको हो ।
ब्राइटनले प्रिमियर लिगको लिडर आर्सनललाई उनी बिक्रीमा नभएको जवाफ दिएको बताईएको छ ।
आर्सनलले पछिल्लो पटक मोइसेस अनुबन्धका लागि ७० मिलियन पाउण्डको प्रस्ताव गरेको बताईएको छ ।
यस अघि ब्राइटनले चेल्सी र आर्सनलको प्रस्ताव अस्विकार गरेको थियो ।
इक्वेडरका २१ वर्षीय मिडफिल्डर अनुबन्धका लागि आर्सनलले निकै चासो देखाएको छ ।
मोइसेस पनि ब्राइटन छाड्ने योजनामा रहेको बताईएको छ ।