काठमाडौं । फरवार्ड साडियो मानेले बायर्न म्युनिखमा १७ नम्बरको जर्सी लगाउने भएका छन् ।
बायर्नले सेनेगलका फरवार्डले क्लबमा १७ नम्बरको जर्सी प्रयोग गर्ने जनाएको छ ।
जर्मन क्लब बायर्नले बुधबार मानेलाई लिभरपुलबाट अनुबन्ध गरेको थियो ।
मानेले जर्मन च्याम्पियन बायर्नसँग तीन वर्षको सम्झौता गरेका छन् ।
बायर्नले फरवार्ड मानेलाई ३५ मिलियन पाउण्डमा अनुबन्ध गरेको हो ।
३० वर्षीय फरवार्ड २०१६ मा साउथह्याम्पटनबाट लिभरपुल आएका थिए ।
उनले लिभरपुलका लागि प्रिमियर लिग, एफए कप लगायत ६ उपाधि जितेका थिए ।
मानेले लिभरपुलका लागि २ सय ६९ खेलमा १ सय २० गोल गरेका छन् । यस्तै ४८ असिस्ट रहेको छ ।