काठमाडौं । यूईएफएले इंग्लिस क्लब म्यानचेस्टर सिटीलाई जरिवाना गरेको छ ।
यूईएफएले सिटीलाई १४ हजार युरो जरिवाना गरेको हो ।
च्याम्पियन्स लिग अन्तरगत एट्लेटिको मड्रिडविरुद्धको खेलमा खेल भावना विपरित अनुचित व्यवहार देखाएको भन्दै सिटीलाई कारबाही गरिएको हो ।
गत महिना क्वाटरफाइनल अन्तर्गतको दोस्रो लेगमा सिटीका खेलाडीहरुले विपक्षी टिमका खेलाडीलाई अनुचित व्यवहार गरेका थिए ।
सिटीका फिल फोडेनलाई फउल गरेपछि एट्लेटिकोका डिफेन्डर फिलिपे रातो कार्ड खादै मैदान बाहिर निस्कने क्रममा दुबै टिमका खेलाडी र कोचिङ स्टाफहरु झगडामा उत्रिएका थिए ।
तर, यस घटनामा यूईएफएले एट्लेटिकोलाई केहि कारबाही गरेको छैन ।
