काठमाडौं । इंग्लिस प्रिमियर लिग फुटबलको 'प्लेयर अफ द सिजन' अवार्डको मनोनयन सार्वजनिक भएको छ ।
प्रिमियर लिगले शुक्रबार मनोनयनमा पर्ने ८ खेलाडीको सूची सार्वजनिक गरेको हो ।
मनोनयनमा म्यानचेस्टर सिटीका केभिन डे ब्रुएन, लिभरपुलका मोहमद सलाह, टोटेनहमका सन ह्युङ मिन अटाएका छन् ।
त्यस्तै सिटीका जोआ कान्सेलो, लिभरपुलका ट्रेन्ट आर्नोल्ड, आर्सनलका बुकायो साका,वेस्ट ह्यामका जारोड बोवेन र साउथह्याम्पटनका जेम्स वार्ड मनोनयनमा परेका छन् ।
विजेता पब्लिक भोट, प्रिमियर लिग क्लबका कप्तान र फुटबल एक्स्पर्ट प्यानलको भोटबाट चुनिने छन् ।
म्यानेजर अफ द सिजनको मनोनयनमा पेप ग्वार्डीओला, योर्गेन क्लोप, एड्डी होवे, प्याट्रिक भिएरा र थोमस फ्रान्क परेका छन् ।