काठमाडौं । यूईएफए च्याम्पियनस लिग फुटबल अन्तर्गत सेमिफाइनलको दोस्रो लेगमा आज इंग्लिस क्लब म्यानचेस्टर सिटी र फ्रेन्च क्लब पीएसजीबीच प्रतिस्पर्धा हुँदैछ ।
सिटी र पीएसजीबीचको खेल सिटीको मैदानमा इतिहाद स्टेडियममा हुनेछ । सिटी र पीएसजीबीचको खेल राति १२:४५ बजे सुरु हुनेछ ।
आज सिटी घरेलु मैदानमा पीएसजीलाई हराएर फाइनल पुग्न चाहन्छ ।
सिटीलाई पहिलो लेगमा बनाएको अग्रताको फाईदा समेत रहेको छ ।
सिटीले पहिलो लेगमा पीएसजीलाई २-१ ले हराएको थियो । दोस्रो लेगमा पनि सिटी जितलाई कायम राख्न चाहन्छ ।
यता, पीएसजी भने उत्कृष्ट पुनरागमन गर्ने योजनामा रहेको छ ।
घरेलु मैदानको हारले पीएसजीमाथि दबाब भने रहेको छ । पीएसजी घरेलु मैदानमा अग्रता जोगाउन नसक्दा पराजित भएको थियो ।
पीएसजीलाई फाइनल पुग्न कम्तिमा दुई गोलको अन्तरले जित निकाल्नु पर्ने हुन्छ ।
यस्तै केलियन एमबाप्पेको चोटले पीएसजीलाई सताउने छ ।
फ्रेन्च लिग वान अन्तर्गत लेन्सविरुद्ध चोट बोकेका एमबाप्पेले सिटीसँगको खेल गुमाउन सक्ने सम्भावना रहेको छ ।
पीएसजी उनको चोटको अवस्था कुरेर बसेको छ ।