काठमाडौं । सहिद स्मारक 'बी' डिभिजन लिग फुटबलमा आज दुई खेलहरु हुँदैछ ।
एन्फा कम्प्लेक्स सातदोबाटोमा हुने पहिलो खेलमा रानीपोखरी कर्नर टिम आरसिटी र टुसाल क्लबबीच प्रतिस्पर्धा हुनेछ ।
आरसिटी र टुसालबीचको खेल अपरान्ह १२:१५ बजे सुरु हुनेछ ।
आज दुबै टिम जित निकाल्ने लक्ष्यसहित मैदान उत्रने छन् ।
आरसिटी ७ खेलमा ९ अंक जोडेर छैटौं स्थानमा रहेको छ ।
टुसाल ८ अंक जोडेर सातौं स्थानमा रहेको छ ।
अर्को खेलमा शीर्ष स्थानको सातदोबाटोले श्री भगवती क्लबसँग खेल्नेछ ।
सातदोबाटो र श्री भगवतीबीचको खेल दिउँसो ३:३० बजे सुरु हुनेछ ।
सातदोबाटो जित निकाल्दै शीर्ष स्थान कायम राख्न चाहन्छ ।
सातदोबाटोले ७ खेलमा १९ अंक जोडेको छ ।
श्री भगवती ७ खेलमा ६ अंक जोडेर नवौं स्थानमा रहेको छ ।
