एजेन्सी । इटालियन सिरी 'ए' फुटबलमा इन्टर मिलानले सहज जित निकालेको छ ।
आइतबार राति भएको खेलमा इन्टरले जिनोआलाई ३-० गोल अन्तरले पराजित गरेको हो ।
घरेलु मैदानमा इन्टरलाई जित दिलाउन रोमेलु लुकाकु,माटियो डारमेन र एलेक्सिस सान्चेजले एक एक गोल गरे ।
खेलको पहिलो मिनेटमै लुकाकुले गोल गर्दै टोलीलाई अग्रता दिलाएका थिए ।
खेलको ६९ औं मिनेटमा माटियोले गोल गरेपछि इन्टरको अग्रता २-० को बन्यो ।
त्यसपछि खेलको ७९ औं मिनेटमा सान्चेजले गोल गर्दै इन्टरलाई ३-० को जित दिलाए ।
जितसँगै इन्टरले शीर्ष स्थानमा ७ अंकको अग्रता बनाएको छ ।
इन्टरले २४ खेलबाट ५६ अंक जोडेको छ ।
दोस्रो स्थानको एसी मिलानको ४९ अंक रहेको छ ।
जिनोआ २६ अंक जोडेर १३ औं स्थानमा रहेको छ ।
