एजेन्सी । इंग्लिस क्लब टोटेनहम युरोपा लिग फुटबलको अन्तिम १६ मा प्रवेश गरेको छ ।
बुधबार राति भएको अन्तिम ३२ को दोस्रो लेगमा अष्ट्रियन क्लब वल्फ्सवर्गरलाई ४-० ले पराजित गर्दै टोटेनहम अन्तिम १६ मा पुगेको हो ।
घरेलु मैदानमा भएको दोस्रो लेगमा फराकिलो जित निकालेसँगै टोटेनहमले वल्फ्सवर्गरविरुद्ध समग्रमा ८-१ को जित निकाल्यो ।
पहिलो लेगमा टोटेनहमले वल्फ्सवर्गरलाई ४-१ ले हराएको थियो ।
टोटेनहम स्टेडियममा घरेलु टोलीलाई जित दिलाउन कार्लाेस भिनिसियसले दुई गोल गरे ।
यस्तै डेली अली र ग्यारेथ बेलले एक एक गोल गरे ।
खेलको ११ औं मिनेटमा अलीले गोल गर्दै घरेलु टोलीलाई अग्रता दिलाएका थिए ।
५० औं मिनेटमा भिनिसियसले गोल गर्दा टोलीको अग्रता २-० को बन्यो ।
खेलको ७३ औं मिनेटमा बेलले गोल गरेपछि टोटेनहम ३-० ले अघि रह्यो ।
त्यसपछि खेलको ८३ औं मिनेटमा भिनिसियसले व्यक्तिगत दोस्रो गोल गर्दै टिमलाई ४-० को जित दिलाए ।