धनगढी । स्टार सिटी युवा क्लब 'ए' ले धनगढीमा आयोजना भएको पेनाल्टी सुटआउट प्रतियोगिताको उपाधि जितेको छ ।
धनगढीको द बैय्याबेहडी युवा क्लबको आयोजनामा भएको प्रतियोगिताको फाइनलमा जोनापुरको सिद्धबाबा ट्रेडलिंकलाई ४-३ ले हराउँदै स्टार सिटीले उपाधि जितेको हो ।
त्यसअघि सेमिफाइनलमा स्टार सिटीले स्टार सिटी भेट्रानलाई हराएको थियो ।
उपाधिसँगै स्टार सिटीले १ लाख सहित ट्रफी, मेडल र प्रमाणपत्र प्राप्त गरेको छ ।
उपविजेता बनेको सिद्धबाबाले ५० हजार प्राप्त गरेको छ ।
प्रतियोगितामा स्टार सिटीका जियारत सेख उत्कृष्ट गोलरक्षक र सिद्धबाबाका मणीराम चौधरी उत्कृष्ट गोलकर्ता चुनिए । दुबै जनाले जनही ५ हजार प्राप्त गरे ।
